Microrrelatos en Aragonés presentados a “microCunchiellos”

ALMA ARAGÓN!

Bien se’n bale d’a delera de beluns per prebar de fer rebiscolar a nuestra luenga u, millor, no dixar que s’amorte.

Os que charrábanos l’aragonés de ninos, femos güellos y orellas en topetar con iniziatibas como ísta de la “Asociazión de Bezins y BlogCunchillos”, recosirando lo contornillo que yera fer-lo en castellán en a escuela. Enzima en casa tamién nos carrañaban asabelo, por charrar “basto”.

NOBALIZIO

 

 

¡ENTALTO A VIDA!

As colors d’a primavera eban plegau a Cunchillos. As nuevas habitants d’a Torre de Samanes eban aplenau as suyas finestras de flors y as carreras d’o lugar de nin@s espiricuet@s, en teneban ueito. Parixeba que iste anyo as ziguenyas eban dixau Paris bueda . Torna o ciclo d’a vida, se rebella a naturaleza y con ella todas as sensacions que mos fan rebiscar. Tornan os cantos d’os muxons.

Oskar Sada Muruzabal

 

FER AS AMORICAS

Quan se’n tornó a Cunchiellos li diciban:

‐n’hi habrás feito buen gato!

‐no me’n fue per diners

‐choven te’n fues dicindo que te’n trayerias un tresor!

‐no so que de pan vive l’home, peró de tota parola que vién de Dios.

I lo deciba sorredindo per os uellos…

L’indian

 

MON AMOUR

Fendo lo gaire u lo poeta (u totas duas cosas), buen recau d’anyos habe, escribié un somarda “Mururoa, mon amour”, huei 11 de marz, me privo de retwitteyar‐lo con #Fukushima, menos aliterato, peró más alusivo i connotativo, me s’escargará o smartphone ta Valcardera, i en as punchas me’n desenchego.

Paxarel

 

RECOSIROS

Ya’n fa muitos de días e d’añadas,

Que por charrar-ne n’o mío lugar

Me foteban cutianas carrañadas.

Castellán me quereban ensiñar,

Pa fer-me ixuplidar ixas charradas

Que de raso yo gosaba emplegar.

En Cunchillos veigo que en paraz cuenta

D’a nuestra luenga, que cuasi no alenta.

Francisco Lanau Buetas

 

SAMANES

Os sunsitos ababaols roiguiaban en a sora sequera, indo con yayo de cerrigüelta, en puyar ta l’Ermita, me nombró os “arbres de plevia” que les dicen samanes en ixes países d’as telenovelas i o “reyalismo machico” de os libros que tanto s’estimaba.

No quasi heba rematau de dicir‐lo i prencipió a gotarriar, casualidat? quemisió!

Quimisió

 

VISPRA DE QUARESMA

Nos se crebacio n’a casamuda t’a capital lo Cunchiellos d’antes que se viedás

Garrastolendas.

M’estimabe que yaya m’en retrayés as suyas alcordanzas.

A qué fin tamien huei mascaruta i disbraz? inorar un atavismo sin radiz,

bonicas parolas i os feitos, de carneval.

L’onso s’eslaganya, faguenyo fa la nieu de Moncayo azahar.

Pardalet

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s